Digter Registrasie: Kaalwoorde Open Mic Digkuns: Alles Liefde

Vir toeskouer kaartjies, bespreek asseblief op Quicket!

Wil jy deelneem aan die Kaalwoorde Pretoria Open Mic Digkuns Aand: Alles Liefde op 8 Februarie 2024? Skryf hier in!

Wanneer en waar?

Donderdagaand, 8 Februarie 2024

18:00 vir 18:30

Railways Cafe, Irene, Pretoria

Hoeveel kos kaartjies?

Toeskouer kaartjies is R65 pp op Quicket en R80 by die deur.

Digters hoef nie te betaal om deel te neem nie.

Hoe werk dit:

• Digters moet 18 jaar of ouer wees om deel te neem.
• Elke digter kry 7 minute om hulle digkuns voor te lees of voor te dra. Dit moet jou eie werk wees, tensy jy iemand anders genomineer het om namens jou voor te lees en dit met Kaalwoorde gereël het.
• Die tema van die aand is "Alles liefde". Daar sal dus spesiale voorkeur gegee word aan liefdes gedigte en daar sal ook 'n beste gedig wenner wees.
• Jy kan kies watter en hoeveel gedigte jy wil voorlees.
• Politiese en kragtige gedigte word toegelaat, maar kru taal, laster en enige haatspraak of persoonlike aftakeling en / of afkraking van 'n persoon of entiteit word verbied.
• Jy mag 'n instrument gebruik as jy sou wou - reël net vooraf met Kaalwoorde omrede ons die klank ens. moet uitsorteer.
• Net een digter word op 'n slag op die verhoog toegelaat.
• Die gehoor stem digitaal vir hulle gunsteling digter, wie dan wegstap met 'n klomp lekker pryse! Nooi dus al jou vriende en medesterwendes om vir jou te kom stem!
• Indien jy drankies / kos bestel op die aand sal dit vir eie rekening wees.

'n Paar reëls:

• Deelnemende digters hoef nie vir hulself 'n kaartjie te koop om die aand by te woon nie, en daar is nie 'n inskrywingsfooi nie.
• Digters moet asb 17:45 aanmeld by Railways Cafe, Pretoria.
• Digters mag hulle "merch" by die aand verkoop as hulle sou wou, maar jy moet jou eie tafel / vertoonkas opstel en saambring en ook jou eie kleinkas en kaart betalings behartig. Kaalwoorde en Railways Cafe kan ongelukkig nie hulle kaartmasjiene beskikbaar stel vir jou aankope nie.
• Daar sal 'n mikrofoon op die verhoog beskikbaar wees vir jou gebruik en 'n tafeltjie indien jy iets sou wou neersit.
• Omdat ons almal saam staan, sal ons verkies dat digters tot die einde bly vir die prysuitdeling. Pryse sal ongelukkig nie in afwesigheid uitgedeel word nie.